عقیدہ ختم نبوت پہ تحقیق کیلئے مستند کتب سرچ و کاپی کی سہولت کے ساتھ دستیاب ہیں

دیباچہ جدید ایڈیشن

قادیانی شبہات کے جوابات جلد اوّل (ختم نبوت) رجب ۱۴۲۰ھ

قادیانی شبہات کے جوابات جلد دوم (حیات عیسیٰ علیہ السلام) جمادی الاوّل ۱۴۲۵ھ

قادیانی شبہات کے جوابات جلد سوم (کذب مرزاقادیانی) جمادی الثانی ۱۴۳۲ھ

میں شائع ہوئیں۔ تینوں جلدیں سالانہ ختم نبوت کورس چناب نگر کے نصاب میں شامل ہیں۔ تینوں جلدیں وقفہ، وقفہ سے شائع ہوئیں۔ اس لئے علیحدہ علیحدہ شائع ہوتی رہیں۔ تینوں کو ایک ساتھ ایک جلد میں شائع کرتے تو صفحات اتنے بڑھ جاتے کہ کتاب کو سنبھالنا دشوار ہو جاتا۔ لیکن علیحدہ علیحدہ شائع کرنے میں دشواری یہ پیش آئی کہ کبھی کوئی جلد شارٹ، کبھی کوئی۔ نیز یہ کہ رفقاء کرام کا خیال ہوا کہ اس کی لفظی اغلاط پر بھی نظر ڈالی جائے۔ چنانچہ نظرثانی کا کام حضرت مولانا غلام رسول صاحب دین پوری اور حضرت مولانا محمد رضوان عزیز صاحب نے انجام دیا اور دوستوں کی رائے پر فیصلہ بھی یہ ہوا کہ ان تینوں کو ایک جلد میں شائع کیا جائے۔ البتہ سائز بڑا کر دیا جائے تاکہ صفحات کی تعداد بھی زیادہ نہ بڑھنے پائے اور علیحدہ علیحدہ اشاعت کی دشواری سے بھی بچ جائیں گے۔ چنانچہ اب یہ جدید ایڈیشن تینوں یکجا جلدوں پر مشتمل ہے۔ حق تعالیٰ اسے اپنی رحمت سے شرف قبولیت سے سرفراز فرمائیں۔ آمین!

محتاج دعا: فقیر اللہ وسایا ملتان ۲۲؍ربیع الثانی ۱۴۳۸ھ، مطابق ۲۳ ؍فروری ۲۰۱۷ء