عقیدہ ختم نبوت پہ تحقیق کیلئے مستند کتب سرچ و کاپی کی سہولت کے ساتھ دستیاب ہیں

الحمد لله وكفى وسلام على سيد الرسل وخاتم الانبياء اما بعد

زیر نظر کتاب ختم نبوت کورس میں اسباق پر مشتمل ہے۔ ہر کورس کے آخر پر تمرین ، سوالات وغیرہ بھی ہیں ۔جسے حل کرنے کے لئے پورے سبق کو بہت ہی توجہ سے پڑھے اور سمجھے بغیر چارہ نہیں۔ یہ کورس عقیدہ ختم نبوت کاتحفظ اور منکرین ختم نبوت قادیانیوں کے عقائد وعزائم پر واقفیت کے لئے بہت جامع ہے۔ اس کورس میں علمی مباحث، معلومات کی فراوانی کے اعتبار سے کہا جا سکتا ہے کہ بیک وقت اصحاب علم اور عامتہ المسلمین دونوں کے لئےیکساں مفید ہے۔ حضرت مولانا مفتی مصطفی عزیز لاشاری اس کے جامع و ترتیب کنندہ ہیں ۔ انہوں نے بڑی کامیابی کے ساتھ اپنی مراد کی کشتی کو سلامتی کے ساحل پر جالگا یا ہے۔ اس پر وہ بہت مبارکباد کے مستحق ہیں۔ حق تعالی ان کی محنت کو اپنے ہاں شرف قبولیت سے سرفراز فرمائے اور کتاب کو قبولیت عامہ و تامہ نصیب فرمائے ۔ پڑھنےپڑھانے والوں کے لئے کتاب مینارہ نور ثابت ہو۔وما ذلك على العزيز، آمين بحرمتك يا ارحم الرحمين

فقیر اللہ وسایا دفتر ختم نبوت ملتان